Las edades del hombre
De todos os discursos electorais que levo escoitado (anacos grandes e pequenos de case todos) os máis paveros son os de Fraga. Non polos argumentos electorais (é decir, o argumento: como voten ós outros, vai vir Carod Rovira) senón polas morcillas que lle mete. Todas as improvisacións obedecen á memoria remota que predomina sobre a recente na xente de idade. Por exemplo, no mitin de Viveiro deleitou á concurrencia con amenidades eruditas como os dous apelidos galegos de Cervantes (Cervantes e Saavedra), ou que Isabel a Católica, “que puxo orde en Galicia” andou por aquelas terras (ou por estas, non me quedou claro). Os camiños estaban tan estragados e cheos de silvas que quedou sen fondo de armario ningún, e tivo que enviar un recado a unha criada ou dona da súa corte (perdón, Corte) que non lle podía mandar o vestido anual que lle regalaba porque quedara sen ningún (o que proba o moito que se adiantou en infraestructuras no noso país gracias ós gobernos do PP). A mención máis recente foi a Nicomedes Pastor Díaz, que foi ministro de Fomento (pero non tivo culpa ninguna do Plan Galicia, que se saiba)
Güelcome, ghefe. Os anuncios que che pon o google son de “Catamarán Ribeira Sacra” (www.riosil.com) e Emigración Galega (www.fillosdegalicia.com). Que axiña che pillaron o target!
Comment by María — 6 June, 2005 @ 9:54 am
Un pracer poder lerlle tamén aquí. Boa singladura e coide da súa bitacora. Unha aperta.
Comment by Manolo Barreiro — 6 June, 2005 @ 11:12 am
Vaia, vaia, que ben que dea o salto…
Parabéns, parabéns
Comment by Cesare — 6 June, 2005 @ 11:14 am
Moitas gracias pola benvida. A verdade, se non me metin antes foi pola síndrome Jaureguizar (comezar e non dar actualizado).
Comment by Pereiro — 6 June, 2005 @ 4:05 pm
Fraga, sen dúbida, é o compañeiro ideal para xogar ó Trivial Pursuit – Stone Age Edition. Grazas pola incursión no territorio bitácora.
Comment by mourullo — 6 June, 2005 @ 4:12 pm
Benvido e cara o infinito e máis alá.
Comment by Folerpa — 6 June, 2005 @ 4:46 pm
A verdade é que prefiro o teu blog, ao de Quin.
Pero ti non vas para presidente…
Estou a mirar ao Fraga… Di, que non quere dramatizar… O pior é que ao pior gaña, na terra, mar e aire…no sul e no westt
Comment by victoria díaz cabanela — 6 June, 2005 @ 7:08 pm
Semellan historias de sogros chouchos, pero teño a sensación de que é o que hai
un pracer podelo sindicar
Comment by opaco — 7 June, 2005 @ 12:29 am
Un pracer ler o seu blog. Sabe a pouco.
Comment by Nona — 7 June, 2005 @ 10:47 am
(Porra!, por que todo cristo me trata de Vd?)
Comment by Pereiro — 7 June, 2005 @ 12:47 pm
está moi ben que a un o traten de Vd, ho !! eso é porque os rapaces pensan que eres un tipo serio. O que non saben é que serio non é o contrario de divertido. O contrario de divertido é aburrido.
Noraboa, porque vexo que a “gestoría” medra.
Comment by sanjurjez — 7 June, 2005 @ 12:57 pm
Non, non, eu trátoo de vostede non porque sexa un rapariga (fixo que teño idade para ser nai súa), senón por educación, porque non o coñezo.
De calquer maneira, escreba máis, por favor.
Comment by Nona — 9 June, 2005 @ 1:13 pm