“O mellor era que tiraran con todo e o volveran a encher de pinos, como estaba antes.” Dixo unha compañeira miña noutro contexto.

Pois eu doulle toda a razón ós promotores da Cidade da Cultura: penso que representa perfectamente á Galicia contemporánea. Onde estaba un monte, agora hai terra movida e unhas obras incompletas, simbolo dunha política de despegue económico a cegas (e frustrado), monumento a tantos parques tecnolóxicos (antes polígonos industriais) aparcelados pero valeiros e a tantos montes fendidos por autoestradas “atutiplén” polas que circularán unhas mercadorías que… se producen na China.

O ex de Economía, Orza, atribuiu as conclusións do Consello Económico e Social a que botaron man de datos do INE e non do IGE: “Si usamos cifras del INE pues saldrá eso, pero la realidad no es mala, es buena”. E o home quedou tan pancho.

A historia da CdC pódese ilustrar coa tira cómica de Tom Tomorrow da semana pasada:
http://www.workingforchange.com/comic.cfm?itemid=19757

Salvando as distancias e as consecuencias, claro está.