Discreción
Eu coincidin con Manuel Olveira hai unha chea de tempo nun debate televisivo sobre culturas alternativas e tal, eu de representante do bravú e Toñito de Poi do antibravú, eu esbardallando contra Toñito que el era máis bravú que ninguén, e el desmentíndoo. Olveira tentaba poñer racionalidade e alta cultura no asunto, e por eso me quedei co seu nome. Agora nomeárono director do CGAC, e como se nada. Xa sei que saiu nos medios dígoo para que Mourullo non me pase polos fuciños unha chea de links pero non deberon darlle moito bombo (eu soubeno por Vieiros). Todos os que enchen páxinas e tempo con disquisicións sobre movementos subterráneos, acordos e trasacordos no goberno galego déronlle a mesma importancia á designación do rapaz discreto que levou Hangar ós mentideiros da arte europea que se puxeran ó cuñado de alguén. Os mesmos que recollerán logo opinións de intelectuais que len a Dan Brown (ou é Don Braun?) e se queixarán do elitismo da política cultural en vista de que non se poden queixar do enxebrismo.
Homededios, vostede non ten fuciños…
Comment by mourullo — 22 November, 2005 @ 6:29 am
Teño, teño, como os de Marcus Vanderló ese
Comment by sihomesi — 22 November, 2005 @ 8:32 am
Si, tes razón. Alégrome moito do de Olveira. Lástima que pasase, como di vostede, tan desapercibido. A ver se se nota. Eu era máis de Vega Buxán, pero este era o meu segundo favorito.
E por certo: Que toñito de poi estaba en contra do bravú?? Pero se parece que o inventou el…
Comment by kate — 22 November, 2005 @ 8:38 am
¿De Vega Buxán? Os tres irmáns teñen unha excelente preparación económica e son das mellores persoas que coñezo, pero de arte… (aínda que todo é poñerse, claro)
Comment by sihomesi — 22 November, 2005 @ 9:06 am
eu digo o profesor de escultura na facultade de belas artes de pontevedra. Igual me confundín o primeiro apelido. Perdón.
Comment by kate — 22 November, 2005 @ 10:00 am
Buxán Bran. Vega Buxán tamén me cae ben, pero creo que, efectivamente, non ha saber moito de arte como para levar o CGAC. Perdón outra vez.
Comment by kate — 22 November, 2005 @ 10:02 am
Buxán Bran. Vega Buxán tamén me cae ben, pero creo que, efectivamente, non ha saber moito de arte como para levar o CGAC. Perdón outra vez.
Comment by kate — 22 November, 2005 @ 10:03 am
E como acabou o debate con Toñito de Poi? Transixiu algo?
Comment by mourullo — 22 November, 2005 @ 2:32 pm
Nin me acordo. Como en calquera debate televisivo tampouco se trataba de chegar a algo. logo, claro que si.
Comment by sihomesi — 22 November, 2005 @ 5:26 pm
Disque o un o Toñito fai festa na Capitol. O que xa non sei é se haberá sorteo do cabrito e procesión.
Comment by lareta — 22 November, 2005 @ 6:47 pm
e do bravú que foi, porque espazo nos medios tampouco ocupa muito, alén da disoluçom dos diplomáticos fai uns meses…?
Comment by txari — 25 November, 2005 @ 5:28 pm
Pois o mesmo que o da movida. Dentro duns cinco anos, recopilatorios.
Comment by sihomesi — 27 November, 2005 @ 8:48 pm